دقت ساعة العمل الثورى .. لكفاح الأحرار

حفل بمناسبة الذكرى العاشرة لثورة 23 يوليو على مسرح الجلاء - فى 23 / 7 /1962

دقت ساعة العمل الثورى .. لكفاح الأحرار
تعلن زحف الوطن العربى .. فى طريقه الجبار
و الثوار هُمَّا الشعب .. و الأحرار هما الشعب
عارفين المشوار

هِىَّ إرادة شعب .. اتحرر يوم تلاتة و عشرين
طِلِع الفجر عليه .. كان عارف هُوَّا طريقه منين
راح للماضى بعزم جبابرة .. خـَلـَّى عبيد الأرض أسياد
ميت سنة و أكتر خُلصُوا فى عشرة .. لا رجعية و لا استعباد
من أول مشوار

و مِشِى الركب يواصل سيره .. يحارب الاستعمار
فى ألوان الذل و طارد شبحه فى كل جدار

طِلعوا علينا بعدوان فاشل .. قمنا نرد النار بالنار
ظهر الحق و رِجِع الباطل .. لا حرية مع استعمار
و ما كملشى المشوار

و فِضِل ماشى العربى الأسمر .. يعلن فجر جديد
اشتراكية و فردت نورها .. و يوم عن يوم بيزيد
عهد رسول الله الهادى .. نادَى بيها من أجيال
خَدنا العهد و قمنا .. بنعلن : لا انتهازية و لا استغلال
و مشينا المشوار

سبق الشعب كفاحه و زحفه .. و راح يبنى له مكان
بميثاق يحمى مصيره و مجده .. و حياته كإنسان
من ماضينا و من حاضرنا .. للمستقبل حققناه
للمجتمع الحر اللى إحنا .. إحنا الشعب اللى طلبناه
و هنمشى المشوار

لما نادى الشعب لبطله .. بطل الثورة جمال
لما مشينا نغنى " ناصر " .. و سبقنا الأجيال
كنا بنحمى مبادئ ستة .. عارفينها مشاويرها طوال
و اليوم و إحنا فى وسط السكة .. بنجدد عهدك يا جمال
لبقية المشوار


كلمات : حسين السيد







[ندعوك للتسجيل في المنتدى أو التعريف بنفسك لمعاينة هذا الرابط]